семінар у Вільні (сакавік 2024)
Першы семінар пілотнага курса ў Вільні дае тэарэтычныя веды і практычныя навыкі для маладых менеджараў культуры.
Навучальны курс змяшчае тэмы, якія пакрываюць розныя аспекты культурнага менеджменту, а менавіта:
- планаванне, арганізацыю, фінансаванне і ацэнку культурных праектаў;
- функцыянаванне сучаснага арт-рынку і разуменне працы з фондамі, партнёрамі, арганізацыямі;
- сувязі з грамадскасцю, распаўсюджванне, развіццё аўдыторыі, якія неабходныя для павышэння бачнасці і падтрымкі культурных праектаў.
Таксама будуць разгледжаны камунікацыйная аспекты культменеджарскай дзейнасці, якія дазваляюць пабудаваць даверлівыя і паважлівыя адносіны з рознымі зацікаўленымі бакамі.
семінар у Гётэбаргу (верасень 2024)
Мэта другога семінара ў Гётэбаргу – пазнаёміць студэнтаў з практыкай работы ўстановаў культуры ў Швецыі, наладзіць партнёрства і супрацу паміж беларускімі і шведскімі ўдзельнікамі, абмеркаваць і прасунуць сумесныя праектныя ідэі.
Падчас семінара мы здзейснім азнаямленчыя візіты* ў культурныя дамы, ініцыятывы, пляцоўкі і ўстановы ў Гётэбаргу і прылеглых раёнах.
Мы правядзем некалькі навучальных дзён разам са студэнтамі двухгадовай праграмы кіравання мастацтвамі Kulturverkstan, Nätverkstans.
У межах тыдня таксама пройдуць лекцыі па актуальных тэмах культурнай палітыкі, такіх як «Шведская мадэль арганізацыі грамадскага сектару культуры», «Культура і дэмакратыя».
*Тэмы лекцый і месцы азнаямленчых візітаў могуць быць скарэктаваныя ў адпаведнасці з інтарэсамі ўдзельнікаў.
